古天樂新年出街避人潮
古天樂昨日出席匡智會活動時，與兩名智障小朋友示範插花，他大讚小朋友有毅力，將來結婚亦會找他們整花球。談及聖誕禮物，他說：「幾頭痛，我好多朋友都有家室，所以會買小朋友嘢。（聖誕點過？）要開工，就算唔使都留喺屋企，我只會趁農曆新年條街冇乜人先出街。」
另外，對於劉嘉玲揚言為遷就甄子丹檔期而趕拍《最強囍事》，古仔說：「套戲要趕喺12月頭拍完做賀歲片，所以趕啲，佢哋最多同場，但對其他演員就影響不大，我就同張栢芝多啲對手戲。」
古天樂與小朋友示範插花。