吳佩慈努力儲錢唔靠富男友
好友徐熙媛（大S）與汪小菲閃電訂婚後又秘密結婚，令吳佩慈大感愕然，但揚言無意效法，不會急於出閣！
吳佩慈昨晚穿Karen Millen短裙出席Qeelin活動，對於大S閃電結婚，她說：「大S有透露吓，但詳情都係睇報紙先知。（見過汪小菲？）一齊食過飯，佢好好人、好靚仔，但呢啲都唔重要，最重要係啱佢。」對於外界不看好「大小戀」，又傳大S奉子成婚，吳佩慈力撐她並非衝動、為結婚而結婚的人：「作為朋友，知佢咁快結婚都好愕然，但好戥佢開心，祝福佢哋。」問到二人會否秘密擺酒，她說：「呢個世界冇咩秘密，相信佢哋安排好就會公布。」並表示若被邀請，一定會做姊妹。
葉梁美蘭赴美被摸
至於她自己的婚期，吳佩慈說：「我好自私，知我人生有安排，有啲嘢未達成，例如旅行、儲多啲錢。（男友有錢就得？）肯定唔得，呢啲靠自己，我唔心急，唔驚年紀大。」
同場的葉梁美蘭經常赴美探女兒，問到曾否被海關搜身摸胸，她說：「已經習慣，我試過入房畀人Check，除到得番條底褲，冇晒尊嚴！又試過戴名貴珠寶，佢哋以為我去賣。」
揚言「靠自己」的吳佩慈，計劃儲夠錢才結婚。
吳佩慈邊行邊檢查衣服，十分小心。
葉梁美蘭入境美國時被要求脫衣搜身，感覺尊嚴盡失！