溫碧霞恨攞獎繼續捱騾仔
擁有美滿家庭的溫碧霞，信事業上仍遇到不少發揮機會，燦爛星途仍掌握在手中，故不甘心婚後待在家裏做少奶奶，繼續演藝事業。
雖然與丈夫結婚十年，但溫碧霞（Irene）一直以來未有停下來，電影、電視與唱片忙個不停。外界很多人認為她絕對有條件做少奶奶享福，但Irene自言從不喜歡靠人，寧願自食其力：「有個丈夫對自己好，有個溫暖屋企當然係好事，但我又唔想攤大手板問人攞錢使，加上又Enjoy做嘢，咪繼續自己燦爛嘅人生！你畀我日日坐喺屋企，真係唔得囉！」
為愛兒放棄內地拍劇
Irene坦言獲丈夫多年來的支持，心中非常感激。兩夫婦以往經常到處飛，直到早前收養了養子何國倫（Xaver）後，生活開始有所改變，她說：「大家都比以前開心咗，BB變咗屋企焦點，佢嘅一舉一動都好引人注意，佢見到我哋就好開心。」
為了照顧家人，Irene坦言已放棄返內地拍劇，但不會從此淡出演藝事業，因為自信在表演藝術上，仍然可以做得更好：「我覺得自己仲有好多機會，我恨攞獎！想拍啲有深度、有表現嘅戲，想對自己嘅演藝生涯有個交代。」
雖然可以過少奶奶生活，溫碧霞仍繼續於影壇打拚，想攞獎圓夢。
溫碧霞坦言收養愛兒後，夫婦生活變得更開心。
溫碧霞為照顧愛兒，放棄返內地拍電視劇。(資料圖片)