廖碧兒遊車河載狗唔要豪
早前廖碧兒（Bernice）趁空檔到杭州出席名車發布會，穿着性感背心裙於名車旁影相，可謂「香車伴美人」。她表示不用開工時喜歡揸車遊車河，問到是否與陳豪同行？她說：「我同我啲狗仔去囉！通常我都會同佢哋去行沙灘，見到佢哋開心，我都好開心！呢個係我工作以外嘅一大娛樂。」Bernice指很久沒有到當地，故行程雖短，但仍抽空與同事外出搵食，提到最近忙於拍攝處境劇，是否失去不少搵真銀機會？她說：「唔緊要，下個月我會有兩套劇出街，到時希望可以爭取到多啲搵銀機會啦！（聖誕都接Job？）經理人都度緊期，希望抽到時間啦！」
廖碧兒坦言最喜歡與愛犬遊車河，冇預陳豪！
活動上，廖碧兒獲贈可愛熊公仔。