關心妍學懂珍惜眼前人

關心妍早前出席好友可嵐的婚禮時，竟收到外公死訊，令她的心情如坐過山車般，開心指數直插谷底！外公的離世亦令她明白要珍惜眼前人。

自小經歷父母離異的關心妍（Jade），童年時因母親出外謀生，故她隨外公與外婆生活，直至十多歲才離開兩老到加拿大升學。由於三人生活一段頗長日子，故與兩老感情深似海。對於外公早前離世，Jade傷心地說：「真係好傷心！我同全家人崩潰咗，我係第一次有咁親嘅人離世，真係好難接受到！外公嘅離開令我明白到要珍惜同所愛嘅人相處嘅時刻。」她還指知道外公逝世的那一刻，整個人也呆了，她說：「我當時參加緊好友可嵐（歌手）嘅婚禮，我本來好開心，但接到外公『走咗』嘅電話時，成個人都傻咗！立即趕去醫院見佢最後一面。當時可嵐結婚咁開心，我唔好意思講出嚟，所以好快咁走咗，連記者朋友嘅訪問都冇做到。」

留意孫女新聞

Jade的外公九十多歲，近年健康一直欠佳，他已不能自行進食及走路，加上患腦退化症（老人癡呆症），連最錫的外孫女Jade也認不到，她說：「外公連我都唔認得！以為我係佢個女或者朋友，我聽到個心好痛……好痛。」

回想與外公相處的日子，Jade指外公每日均花半日以上時間閱報，故對她入行後的新聞，外公可謂瞭如指掌。她還記得有次探訪時，外公突然對她說：「得饒人處且饒人呀！」令Jade大感愕然亦相當感觸，她說：「外公原來係咁關心我，我都唔知！佢好留意我啲新聞。」