狄易達兩杯落肚變關公
跳舞歌手狄易達（達仔）早前出席酒吧騷，與現場觀眾大玩遊戲，面對踩着高踭的「宣傳姐姐」，矮了一截的達仔笑說：「呢個活動係巡迴形式，我諗下次都要配合番着高踭鞋！」為搞搞氣氛，平日甚少喝酒的他舉杯與觀眾飲勝，豈料兩杯下肚已滿面通紅：「我真係好少飲酒！平時都係朋友生日或者慶祝場合先會飲少少，以前飲一杯就暈低！（點保護女朋友呀？）我都有諗過，所以女友最好唔鍾意飲酒，如果佢好酒量又顯得我好水皮，唔好嘅話我又未必照顧到佢！」此外，達仔感激組合EO2的Eddie及舞台劇演員楊詩敏（蝦頭）撐場。
達仔與「宣傳姐姐」合照形成「凹」字配，相當有趣。