欣宜退選改做啦啦隊

欣宜退選改做啦啦隊

鄭欣宜與師妹吳若希（Jinny）感情要好，日前更齊齊學整甜品。提到二人本計劃同期出碟，齊齊爭奪本年度頒獎禮的新人獎，可惜因工作撞期關係，欣宜的處女碟押後至明年推出，退出競逐今年獎項：「依家我可以變身啦啦隊，全力幫Jinny打氣喇！（同公司怕比較？）唔會！佢係行靚女路線嘅，一睇我就知係賣性格o架啦！」

至於Jinny亦不忘感謝欣宜經常給予支持，她說：「我覺得自己係一個好幸運嘅新人，有欣宜咁好嘅師姐陪住我，成日孖住一齊去做嘢，好多時都係靠佢幫我補不足！我最驚就係面對鏡頭，有欣宜喺身邊咩事都定啲！」

吳若希（左）與欣宜故意鬥浮誇，難分高下。