鄧芷茵生「至靚B」 做見面禮
樂壇新人鄧芷茵最近推出處女碟，眼見「BB」呱呱落地，她認為所有辛苦都值得！對於樂壇頒獎禮殺到埋身，她並沒太大壓力，首要是唱片賣得！
鄧芷茵（June）即將於月底推出首張個人專輯《First Of June》，早前更親自落唱片舖小試牛刀，播放主打歌《Love Me Hate Me》，再問現場樂迷反應，她說：「好彩大家反應都幾好，填詞人特登照住我嘅性格嚟寫，歌詞好表現到我真實嘅性格！首歌所有幕後班底包括我都係從加拿大返嚟，所以我哋叫佢做『加拿大之歌』！」
為新碟變Look
對於樂壇頒獎禮迫在眉睫，June直言不會給自己太大壓力，但對於新碟銷量則充滿信心：「話晒都用咗1年時間生呢個『BB』，一定有信心！個個父母都一定覺得自己個BB係最靚o架喇！」
為了打響頭炮，June更試了多個誇張造型拍攝新碟封面，令她大呼好玩：「我一向化開比較舒服自然嘅妝，不過今次有好多造型，平時我一定唔會試，好似其中一個妝，我化到對眼同嘴唇都全黑，好有驚喜o架！」
鄧芷茵面向鏡頭毫不怯場，自動波擺出不同甫士。
June花了一年心血製作首張專輯，難怪充滿信心！
June（右）早前找來HotCha壯膽，齊齊落唱片舖試反應。(資料圖片)