陳山聰服輸：我恭喜定佢
陳山聰於今年台慶頒獎禮中，首次憑五套劇提名「飛躍進步男藝員」獎項，不過，他謙稱今年對手很強，反而睇好「勁敵」黃浩然得獎，他說：「我都已經恭喜定佢！」
陳山聰去年獲公司重用，一口戲接拍多套劇集，加入無綫十年的他坦言，對於獲公司肯定及重視感開心，更不諱言雖然未約滿，但公司已跟他續約，誠意十足，至於有否加人工，他說：「好慶幸有得加，自己都好滿意，證明努力公司係睇到嘅。」
接拍李添勝新劇
今年，除了「最佳男配角」獎項外，山聰更憑着五套劇提名「飛躍進步男藝員」獎項，問他有沒有信心得獎？他說：「都有，不過今年最大對手係黃浩然，我都已經恭喜定佢，佢套《巾幗梟雄之義海豪情》又擺到咁尾推出。（感覺蝕底咗？）冇話蝕唔蝕底，攞到係錦上添花，但今年整個成績表自己已經好滿意。」
明年山聰將接拍李添勝監製的劇集，為此，山聰更自掏腰包跟大師級導師學戲：「套劇入面我做大反派，做衰人我可以，但都想演法有多啲層面。（學費好貴喎！）所以我決定出年買少啲衫，用嚟做學費。」
陳山聰笑言明年少買衫，慳錢交學費。