上堂進修演技 呂慧儀轉型做諧星
最近忙於拍攝《我愛香港》和《潮性辦公室》的呂慧儀（Konnie），成為電影界紅人。她透露拍戲有錢收之餘，還可免費進修，令她獲益良多。她笑說：「《潮》片係由舞台劇改編，開拍前一班女仔要先上演技進修班，令我有好大啟發。（酬勞係咪好理想？）唔知對老闆嚟講係咪皮毛，但對我嚟講，有錢收之餘，仲唔使交學費上堂，賺晒啦！」
一向走性感路線的Konnie，自覺拍完《潮》片後可以改走搞笑路線，她說：「覺得自己搞笑功力進步咗，更重要係連忍笑功力都加深咗，可能因為睇得太多搞笑場面，某啲笑料屬小兒科。加上我又好鍾意笑，經常成為朋友嘅開心果。」據知《潮》片需要穿泳裝上場，問到如何保持美好身段？她自豪地說：「我身材一向都咁上下，真係上天恩賜。」
Konnie天生麗質，不用刻意Keep Fit都可以擁有美好身段。
港姐出身的呂慧儀不甘於做花瓶，故學演戲增值。