張建聲跟霆鋒「學戲」
曾參與電影《囡囡》演出的影壇新人張建聲（Justin），由年初至今已接拍逾三十個廣告，包括Sony相機、政府醫療保險，地鐵及借貸等廣告，他自言只是做散工，自嘲人工平、好抵用，他說：「始終拍廣告生涯較短，我又鍾意演戲多啲，未來都展望做電影工作。」
Justin認為演技可以無師自通，平日賦閒在家時，便會睇碟偷師鑽研演技，他說：「好似張家輝、謝霆鋒同余文樂等，每個人都有自己風格，最重要係有多啲磨練機會。而我每次睇碟都有一個習慣，睇到某一個鏡頭會停一停，試吓自己做番個表情、感受吓，相信會有幫助。」
Justin最希望挑戰演技，扮精神病患者：「因為想轉型，我做陽光男孩已經做咗五年，講靚仔又大把靚仔過我，希望可以走性格演員路線。」
Justin平日愛睇霆鋒的影碟偷師。