陳靜脫E而出跳高爆蝦碌

「百果園咪神」陳靜（DaDa）最近風頭甚勁，帶挈同公司的模接拍廣告，她與鄧伊玲（阿旦）和梁筠兒（Bambi），齊穿小背心狂騷「大E級」身材，鬥晒「事業線」，大師姐李莉琳（Liz）亦甘拜下「峰」！

施念慈旗下模特兒DaDa、Liz、阿旦、Bambi、蔡瑩瑩、王梓如、關莉莎和梁郁霖，最近獲護膚品牌「Water2」邀請拍廣告，她們以一系列粉藍色小背心及晚裝亮相。當中以DaDa、阿旦和Bambi的「E Cup」身材最突出，狂谷「事業線」，但阿旦的領口不夠低，「峰」頭慘遭Bambi和DaDa搶去！

阿旦怕拗柴跳唔起

拍攝期間，Bambi、DaDa和阿旦頻爆趣事，DaDa拿着大堆護膚產品玩跳高，卻不慎將產品弄跌，因她身穿Deep V背心，故不敢烏身執拾，要勞煩其他人執起。而腳踏6吋高踭鞋的阿旦，因怕「拗柴」而不敢跳高，場面惹笑！

今年以DaDa的成績最突出，工作不斷，令收入激增，問到今次廣告酬勞是否平分？她滿意地說：「我自己嗰份好滿意，我唔知人哋嗰份有幾多，唔敢問。」DaDa透露最近連開兩部電影，又要宣傳年曆，令皮膚質素下降：「之前喺內地返嚟，啲皮膚確係差咗，好彩年輕，臨拍廣告前敷番水分Mask已OK。」問到是否「升呢」帶挈師妹拍廣告，DaDa謙稱：「唔係，唔敢咁講，大師姐係Liz。（賺咁多錢想點用？）想買四、五百萬嘅樓。」Liz則說：「其實公司個個Style唔同，要講身材嘅話，我都冇得爭。」