徐淑敏大肚食詐胡

徐淑敏早前經期遲了，估計是懷了第二胎。昨日她出席新款攝錄機記者會時表示「食詐胡」：「今朝啱啱嚟咗喇！（失望？）再等吓囉！抱平常心。其實都有心理準備再要小朋友，但唔可以太大壓力，可能因為咁先遲嚟（月經），一切隨緣啦！」問到老公有否失望，她說：「我第一時間講咗畀佢聽，佢就『哦』咗一聲。」

另外，早前有報道指其老公餵女兒飲酒，她澄清：「只係畀個女聞吓，訓練佢嗅覺。我睇完報道好內疚，仲抑鬱咗成日。」她表示女兒八個月大，由奶奶負責飲食：「個女食嘢好似老竇，食得好急、好惡。」而大會即場播放一段由徐淑敏親手攝錄的女兒生活片段，雖然只得側面，但仍見到其女兒的眼睛與父親黃浩一樣。

徐淑敏親手攝錄女兒的生活片段，昨日在會上播放。