官恩娜與男友密照險外洩

官恩娜與男友密照險外洩

大頭蝦的官恩娜,昨晨匆忙中遺失手機,因為擔心手機內與男友的密照及肉麻短訊外洩,嚇得失魂落魄,幸好最終尋回手機,虛驚一場。   

官恩娜(Ella)昨日一臉驚青到電台接受訪問,她自爆遺失手機搞到失魂落魄:「今朝趕住出嚟,落車先知唔見咗手機,驚到個心卜卜跳,因為入面有好多藝人電話。(喺邊度跌?)我估計係喺停車場,因為出門口落停車場攞車時,我仲望過手機個時間,點知嚟到電台落車唔見咗,我即刻叫助手打畀我,個電話仲響,咪即刻叫工人落樓搵吓。」

遭柏豪取笑大懵

訪問過程中Ella驚魂未定,非常擔心,她承認手機內有與醫生男友的照片。(慾照?)唔係,係少少親密照。(情慾短訊?)冇,但有一、兩句我掛住你嘅肉麻嘢囉!」她坦言平日很少失魂跌電話或銀包:「依家驚到魂魄唔齊同騰騰震。」

前日她剛問好友周柏豪拿電話號碼:「今日就唔見手機,佢實追斬我。(厚酬?)等多陣先。」柏豪得知她遺失手機,以「大懵」來形容Ella,他說:「佢成日將電話周圍擺,之前救過佢幾次。」

幸好最後Ella尋回手機,她開心地說:「好彩呀!工人真係喺停車場搵番我部手機,喺我車位度,好彩開車時冇碌爆咋!」

音樂組

周柏豪形容好友Ella十分大懵。

Ella與中法混血兒的醫生男友J先生的肉麻短訊險外洩。資料圖片