天明急Call韓國親人
圈中有不少藝人的親友都是韓國人或身在韓國，今次南北韓突然開火，難免令他們擔心！洪天明的媽媽是韓國人，他說：「我都係啱啱聽到你（指記者）講，先知韓國開火消息，好彩媽咪喺香港，但外婆、外公同啲屋企人依家仲喺南韓，我都要打電話去了解吓，我估佢哋都冇事嘅！」而側田提到女友即說：「我女友去咗北京讀書，雖然佢個人唔喺韓國，但我都擔心佢家人嘅情況，我梗係希望世界和平，紛爭可以盡快平息啦！」
另外，傅穎表示前幾日已聯絡了韓國跳舞老師：「佢一直都冇覆，聽講佢出咗去做巡迴，所以我唔太擔心佢嘅安全。呢個年代，地球已經病咗，我估唔到仲有人想發動戰爭，我希望世界和平，生命可貴呀！」而鄧穎芝則為妹妹感擔心：「我聽到南、北韓發生軍事衝突，真係好驚！因為我妹妹啱啱起程去韓國旅行，我打咗好多次電話畀佢，都聯絡唔到，如果我搵到妹妹，一定會叫佢留喺酒店，唔好出去玩，快啲返香港，希望佢安全！」
側田十分擔心女友家人在韓國的情況。資料圖片