Ana R.：萬事有商量
南北韓局勢緊張，衞蘭（Janice）母親目前身在韓國，故聞訊後大為緊張：「暫時唔會叫佢嚟香港，睇吓局勢點先！了解情況再作決定！」而擁有一半韓國血統的Ana R.，昨晚出席活動時透露母親跟弟弟身在美國：「我哋聽到消息後都好唔開心，唔知兩個國家點解咁做，萬事有商量！」另外，候選亞姐昨日到六福珠寶試戴首飾，韓國佳麗(11)權蕙洙坦言不擔心兩韓開戰：「我覺得南北韓將會統一！我曾經探訪過北韓，當地環境好靚，人都好親切，所以唔擔心會釀成戰爭！」
此外，對於權蕙洙早前指(3)萬嘉麗只能得季軍，萬嘉麗反擊說：「佢27歲，年紀大咗啲！」17位佳麗前晚在惠州出席晚會，遼寧佳麗(18)王欣奪得「最完美秀髮大獎」，她直言對打入三甲有信心。
Ana R.坦言對南北韓開火感傷心，希望兩國以和為貴。
印尼佳麗(14)貝安琪．比亞齊斯露「缽仔糕」搶鏡。
(3)萬嘉麗（左）與(11)權蕙洙各不相讓，看來決賽將有一番龍爭虎鬥。