蔡加讚開意菜餐廳試食肥8磅
玩具大王蔡志明孻仔蔡加讚月前投資百萬元，將其甜品店轉型做意大利餐廳，他表示因頻試菜而肥了8磅：「甜品店座位咁多，做餐廳會好啲，加上好鍾意食意大利菜，呢一區又比較少。但我好鍾意『甜之迷』呢個名，唔會轉。」加讚透露除改裝廚房設備外，還高薪挖角請意菜廚師：「個廚師係我發掘，啲嘢好有水準。爹哋有嚟試菜，佢食嘢唔挑剔，話啲嘢好好食，最鍾意食烤乳豬。」問到有否拍拖，加讚說：「冇，圈子太細識唔到女仔，呢個年代好難識到啲正常，寧願唔識住。（驚人哋以為你斷背？）唔會，我屋企得我一粒仔，靠我傳宗接代o架！（爹哋安排相睇？）佢唔做啲咁老土嘅嘢。」
蔡加讚將甜品店轉型開意大利餐廳。