陳偉霆拒送Bra嚇阿Sa
陳偉霆昨日出席《蒙妮坦美髮美容院畢業典禮》，並與校長鄭明明慶祝生日，他透露電影《出軌的女人》今日煞科後，劇組將為他及同日生日的夏文汐預祝牛一：「揀咗份禮物襯托佢嘅性感。（內衣？）係晚裝，冇試過買內衣畀朋友，望都唔敢。（送畀女友？）冇試過，如果有嗰種味道，着咩都性感！」問到會否送內衣給遲他一天生日的女友蔡卓妍（阿Sa），他說：「今年係第一個一齊之後嘅生日，唔好嚇親佢，送啲健康少少嘅嘢，至於送咩就係秘密，講心唔講金。（佢送咩畀你？）送咗個皮袋。」
另外，對於好友G.E.M.傳與林宥嘉甩拖，陳偉霆說：「完全唔知，少講愛情，佢逼我食飯多。（生日叫佢請？）好難，呢個小富婆好識理財。」
面對前輩鄭明明，平日跳跳紮的陳偉霆即變得拘謹。
