祥仔陳豪連場激鬥
黎耀祥與陳豪兩位應屆視帝大熱昨晚被擺上枱，在多個環節中大鬥法！陳豪在《公主豪情鬥口響》環節中，Rap贏頻頻甩Beat的祥仔。不過，其後祥仔在《視帝鬥戲劇場》中，扮演陳豪在《溏心風暴》中「得得地」，並與男扮女裝的金剛大演感情戲，忍笑之餘仍能投入做戲，反觀陳豪扮柴九，只需讓吳家樂拿他與廖碧兒及佘詩曼的緋聞來玩，明顯輸給祥仔。
此外，陳豪否認以合約換獎：「我同TVB仲有幾年至約滿，冇人搵我傾加簽，我冇理啲傳聞，今年對我係個小豐收，有人讚當贏咗一半，攞唔攞獎要交畀觀眾。（合約換獎OK？）我唔會咁諗，最緊要得人心。」祥仔則笑說：「係咩？冇叫我換喎！佢就好啦！不如一人換一半，講笑啫！我唔信有合約換獎呢回事。」
祥仔與陳豪連番鬥法，勢均力敵。
吳家樂飛撲上陳豪身，場面爆笑！
祥仔與反串女人的金剛玩氹氹轉，被志偉取笑。