翠翠家蔚百萬行頭台慶鬥閃
葉翠翠原本要為台慶表演跳舞，但因差錯腳「拗柴」，被迫放棄演出！日前翠翠與周家蔚相約揀珠寶，選了逾百萬鑽飾行頭助威！
葉翠翠和周家蔚日前到六福為台慶揀首飾，看得心花怒放，兩人左挑右配拿起多款首飾比較試戴，分別選了一套鑽飾及藍寶首飾，價值逾百萬元！
原本要為台慶表演跳舞的翠翠因差錯腳「拗柴」，腳傷腫得像豬蹄無法排舞，無奈放棄演出，她說：「之前落樓梯拗柴扭傷腳，隻腳腫晒！我本身好怕打針，但睇西醫都叫醫生幫我打針，當時痛到不停叫救命，醫生都話有冇咁誇張呀！但好可惜打咗針，腳傷都趕唔切好番排舞，惟有到時着得靚啲出席台慶。」
收男友「神秘」禮物
問到有否收過男朋友送的名貴鑽飾？翠翠說：「呢嗰係秘密！不過，自己最貴嘅首飾當然係港姐后冠啦！但係都好耐冇見過佢喇！因為一直都好好保存喺保險箱。」
至於會在台慶夜聯同大批藝員表演大型歌舞的周家蔚，花了十多天排舞，她透露喜歡首飾全因得到媽媽從小「培訓」：「因為細細個已經跟媽咪去珠寶店，依家有時都會問媽咪借啲珍藏嚟戴。」
葉翠翠受傷無緣參加台慶表演，只好出動強勁行頭搶鏡！
周家蔚為葉翠翠試戴頸鏈，相當細心！
葉翠翠與周家蔚揀選鑽飾時，大為興奮。
周家蔚（右）與葉翠翠戴上價值逾百萬元的首飾，貴氣逼人！