陳啟泰拍攝惹投訴
早前陳啟泰與有線娛樂台主持張潔茵赴日本北海道拍攝《四個轆˙日本周圍look》，靚人靚景遊日本，他坦言特別開胃，突然變成大食積。由於拍攝地方較偏僻，動輒要坐數小時車程，陳啟泰說：「經過今次我鍾意咗公路邊嘅便利店，原來便利店嘅即食拉麵好好味，尤其係醬汁叉燒拉麵，我每次至少食兩碗。」
兩人此行最難忘是去到「夫妻瀑布」，當日張潔茵自告奮勇去豆沙餅檔幫忙，做出奇醜無比的豆沙餅，其後有老伯付錢買來送給太太，怎知一口咬下去發現豆沙未熟，老伯嬲到投訴，嚇到他們連聲道歉，陳啟泰戲言：「好彩最後都搞掂咗，如果唔係分分鐘令到中日關係火上加油！」
陳啟泰與張潔茵到北海道拍攝，又食又玩。