盧靖姍被問價作嘔拒賺污糟錢

傳聞不少女藝人都有飯局價，現職女模兼歌手的混血美女盧靖姍（Celina）亦曾被問價，回想17歲時被神秘人開價食飯，她坦言想起都會作嘔！

混血美女Celina天生一副美人胚子，但她並非尋常的「ABC」，她保留着傳統保守個性。一直有傳不少女星都有飯局價，亦有人因此賺快錢致富，但對Celina而言，這些錢就似坑渠水，賺不過！一次被問價的經歷，Celina想起也會作嘔：「17歲時仲讀緊書，當時我仲有做Part-time模特兒，有一日突然有人打嚟問我做唔做娛樂圈之外嘅事，話會搵到好多快錢，佢話有個內地客叫我開價！當時真係好驚，唔知佢點解有我電話，我唔係清高，但我入呢行只係想唱歌同做藝術創作，咁真係好侮辱囉！太Dirty，我唔鍾意咁搵快錢。」

15歲簽小室哲哉

原來Celina真的十分喜歡唱歌，15歲簽日本樂壇教父小室哲哉門下，曾想過放棄學業，專心做歌手，但衡量利害後，知道太早入行一定失敗：「15歲嘅女仔一定唔會有經歷，又未拍過拖，當然唱唔到情歌，我知道唔會有嘢貢獻到畀歌迷，所以我決定先讀好書。然而，Celina這個決定是正確的，在倫敦讀書的日子，她修讀經濟以一級榮譽畢業，即使放棄做藝人，也有足夠條件發展事業及理想。