吳若希攬錯仔(火羅)爆
樂壇新人吳若希（Jinny）年僅18歲，剛推出首張個人專輯，早前為主打歌曲《錯過了》拍攝電視版MV，她自言已非首次做MV主角，不會感到緊張，但拍攝期間卻錯摸導演意思，她笑說：「拍嘅時候導演叫我翹住男主角隻手，但我聽錯以為叫我攬住佢，最後搞到好尷尬！」她坦言男主角不是其喜歡的類型：「我鍾意高大啲大隻啲嘅男仔。（搵到心水？）仲搵緊，暫時都係先專注工作！」她透露近期忙於宣傳新碟，準備往內地宣傳。
專輯中的《窗外》是由Jinny親自填詞，處女作得到不少人欣賞及支持：「有好多朋友話隻歌嘅詞好入心入肺，估唔到第一次填詞會有咁多人支持，覺得係好大嘅鼓勵。」
吳若希親自為新碟填詞，獲得一致讚賞。
吳若希與男主角拍MV，又拖手又搭膊頭。