陳美詩逾十卡鑽飾襯32C

孫耀威（Eric）女友陳美詩（Macy）雖然生得嬌小玲瓏，但身材絕不「迷你」，日前穿上性感低胸裝的她大晒32C事業線，Eric果然識揀！

無綫台慶一向是全台「姐仔」鬥靚鬥性感的黃金機會，與Eric感情穩定的Macy也趁大好機會「騷哥利」！日前Macy為配合性感打扮，特別試戴逾十卡、價值逾六位數字的鑽飾！其後她轉戰時裝店，一口氣揀了幾套可大晒32C美好身材的晚裝，原來體重只得92磅的她，屬「應大則大」之人，難怪Eric對她如此鍾愛！

Macy覺得專業藝人，應視乎場合而作適合打扮：「做大騷性感少少都唔係問題，最緊要靚。」她又多謝珠寶及時裝品牌贊助，令她有機會「有咁靚得咁靚」。提到身形纖瘦但上圍驕人，她笑說：「我都同公司同事講，我瘦，但要大則大o架！」

羨慕王祖藍美腿

問到噴血打扮可擔心惹男友Eric不滿？Macy即大讚男友體諒工作需要，只要不走光又夠靚，男友不會投訴：「我會有分數。」不會每事都要問過男友。

問到覺得哪位女藝員身材最正？Macy大讚所有藝員都是靚仔靚女，各有美態，但她最欣賞是王祖藍的「冇毛腿」：「佢對腿又長又瘦又白滑，我哋全台女仔都好羨慕佢。」