鍾舒漫鬼咁大膽反被人嚇
英皇歌手鍾舒漫（Sherman）早前相約泳兒及HotCha等好友到主題公園玩鬼屋，自稱大膽的Sherman雖不怕鬼，但卻被同行友人嚇親，她說：「我啲朋友又驚又要玩，但我唔驚，所以佢哋個個匿喺我身後，不過佢哋啲尖叫聲真係好大，反而係畀啲叫聲嚇親！」
然而Sherman小時候卻是膽小鬼，即使與妹妹同房亦堅持開燈才能入睡，她說：「我細個都好怕黑，但愈大就愈唔驚，可能係同信仰有關。」雖然Sherman不怕鬼，但對機動遊戲則怕怕，她自爆：「啲朋友去晒玩過山車，我就企喺側邊睇佢哋玩，架過山車隔籬就係海，真係好心寒！」她又指玩鬼屋時被歌迷認出，他們都十分友善，合照後就各自排隊玩。
挑戰鬼屋的Sherman（中）原來不怕鬼，反而被友人嚇親！
鍾舒漫（右）早前相約HotCha等好友到主題公園大玩特玩。