張繼聰我控制唔到女色

下月舉行音樂會及出新碟的張繼聰（Louis），笑言控制不了女色，音樂會最緊要請靚女嘉賓慰勞樂手！出道多年，Louis已不再計較樂壇位置，只享受音樂帶給他的快樂。

與金牌大風簽下唱片約的張繼聰，將於下月3日舉行《張繼聰123音樂會》及推出新專輯《456》，他強調音樂會最緊要好玩：「一二三Go、跳、笑係我期望觀眾到時會有嘅狀態，好玩嘅表演要互動，台上盡力，台下評分，表演者內心嘅小朋友走出嚟，演出先好玩！」

嘉賓方面雖然未定，但Louis笑言靚女絕對首要：「我控制唔到女色嘛！任何靚嘅女歌手就好，樂手又開心，呢個先係王道嘛！」至於會否與太太謝安琪合唱，他表示最近各有各忙，合作有難度：「佢到時嚟睇，我已經老懷安慰，不過唔嚟睇都好，演繹可以奔放啲！」

享受創作快樂

Louis出道五年，問到如何看自己在香港樂壇的定位？他認真地說：「近年戒咗呢鋪癮，定位係非同小可嘅問題，作為創作歌手，創作過程嘅快樂已經係結果，如果計較得獎、有冇歌Plug同埋樂壇位置，快樂就會流失。攞獎唔係我杯茶，自己係歌手，做緊音樂，根本唔使再去證明啲咩。」至於負面新聞，Louis亦處之泰然，他風趣地說：「經過報道訓練，我身體健康咗，家人關係好咗，仲好開朗添！I don't care！」