梁嘉琪遊韓國Jump掂猛男
無綫藝員梁嘉琪早前相約好友黃翠如遊韓國，因決定倉卒，她們未有預訂酒店便坐上飛機，認真大膽！嘉琪說：「我哋識咗七年，咁啱大家都有假期，先臨時決定出國玩！」提到最難忘的行程，嘉琪即推介已在世界各地巡迴演出的舞台劇《Jump》：「個劇糅合武打同喜劇元素，個個演員都好出色，好似周星馳加李連杰咁！」她表示演員會以身體語言引人發笑，故即使不懂韓文亦冇問題，完騷後，嘉琪更化身小Fans，排隊向男演員索簽名！
問到可有被男仔搭訕？嘉琪說：「我哋着得咁Hea又冇化妝，點會有！哈哈！但可能係翠如阻住我！」她又大讚韓式前菜十分美味，每餐都有十多款任食，故飯後必定四出掃貨幫助消化。
梁嘉琪遊韓國，狂買狂食兼睇舞台劇《Jump》。
面對滿枱前菜，令梁嘉琪大感迷惘，不知先吃哪款！
梁嘉琪與大隻舞台劇演員合照。