譚筠怡點綴彩飾人生

藝人譚筠怡自小喜歡設計，早前修讀了多個珠寶設計課程，並正式在香港開設珠寶店，大展拳腳創一番事業，實踐理想。

藝人譚筠怡（Gwennie）自淡出娛樂圈後，便一直在澳門生活，原來她一直為理想鋪路，先與友人在澳門合資開設珠寶店。吸收從商經驗後，她決意回港發展事業，04年開始修讀GIA寶石和鑽石鑑定、電腦珠寶設計和珠寶業工商管理等多個相關課程，去年年底更以個人名義，斥資七位數在中環開設上樓珠寶店，實現了個人的理想。

她更參加過多個珠寶首飾設計比賽，更在澳洲珠寶設計大賽獲獎和泰國國際賽事中獲佳績，她說：「我一向鍾意設計，希望可以做啲自己喜歡嘅事，唔想年紀大咗乜都冇咁，趁機會增值。」

生BB心大心細

雖然工作忙碌，Gwennie仍十分着重家庭生活，一有時間便飛往加拿大探望母親和妹妹，她說：「因為媽咪同妹妹都喺加拿大生活，妹妹又生咗對孖仔，佢哋好得意眼睩睩，喺香港都成日掛住佢哋。」原來她家族中有雙胞胎的遺傳，問到會否希望「生一得二」，她笑說：「我都有諗過係咪好事，因為一次過生兩個，唔使咁辛苦。但聽人講生龍鳳胎個女會冇咁靚女o架！但生兩個女又想追個仔，生兩個仔又怕難教，不過一切順其自然啦！依家事業剛剛起步，專心工作先。」