單飛盧凱彤出碟眼濕濕
二人女子組合at17成員盧凱彤（Ellen）日前單飛推出的處女專輯大獲好評，人氣急升的她感激每位支持者，Ellen坦言過去九年的歌手生涯不易過，她說：「中途有氣餒過，好彩得到梁基爵鼓勵，叫我快啲將自己作品推出市面，畀咗我唔少信心。」Ellen表示從未想過將出碟計劃推薦給公司：「因為知道唔啱呢個市場，唔多唔少都知自己賣緊啲咩同定位，估唔到喺呢個市道公司都咁支持我。」她又表示當見到新碟製成品時，感動得眼濕濕：「心情好特別，開心到想喊。」問到有否信心在年底頒獎禮奪獎？Ellen說：「冇咁諗，最緊要歌曲得到認同。」
at17的盧凱彤單飛出碟，壓力不少。