劉浩龍冇膽追女仔
師兄劉浩龍近年由歌手轉戰影壇接拍多套電影，師兄坦言愈來愈愛拍戲，他說：「搵到好多滿足感，同埋唔需要面對傳媒。（驚傳媒？）某程度畀出道時嘅負面新聞影響，搞到唔識點面對，依家好咗好多。」師兄揚言不會放棄歌唱事業，對於身邊好友逐一成為天王天后，師兄表示不會眼紅及氣餒，他說：「知自己咩身份，從來唔係活躍嘅歌手，唔係要攞傳媒大獎，我唱咗五、六年歌，有十幾首Hit歌，仲想點？」
至於感情生活？師兄笑說：「乾到裂開。（唔信？）我對愛情好尊重，唔鍾意試。（心儀對象？）有，不過我好薄皮唔敢出聲，我做咩都大膽，係追女最唔得。（叫朋友幫手？）冇可能，因為佢哋一講我就面紅，呃唔到人。」
劉浩龍滿足現狀，對感情事隨緣。