王浩信遭胡定欣奪「初吻」
由歌手轉型做無綫「親生仔」的王浩信（Vincent），最近參演《刑警》與胡定欣演情侶，還有突破性演出，他說：「我第一次拍Kiss戲，原來真係幾緊張！擔心太投入會令對手唔舒服，又驚錫得唔靚要NG，好彩定欣好專業，拍前傾得好清楚，一次OK。（女友陳自瑤『詐型』？）唔會！佢好大方，知道係為工作，就算佢要性感演出我都冇意見，最重要係演好角色。」
與YoYo拍拖近三年，問到何時結婚？Vincent說：「我依家得27歲，希望搏殺多幾年，有穩定嘅收入先諗，起碼30歲後！（介意情侶檔搵錢？）冇所謂，最重要睇公司。」另外，Vincent憑《刑》劇入圍「最受歡迎男配角」，但他直言不敢奢望攞獎：「非凡哥同排骨仔都好有實力，入到最後五強已經好開心。」
Vincent認為拍拖不可以拖手好辛苦，公開戀情反而較輕鬆。
Vincent在《刑警》中有突破演出，又獻出螢幕初吻。(資料圖片)