Ella唔急上岸搏殺冇嫁期
官恩娜（Ella）與外籍男友拍拖已有一段時間，亦視他為結婚對象，但現年31歲的她有感現階段仍是搏殺期，故未有打算結婚生仔！
與外籍男友感情穩定的Ella，雖然男友因工作關係而未能經常見面，但她並不擔心維繫不到感情，她信心十足地說：「最緊要兩個人一齊有好嘅影響，如果成日都擔心會散而茶飯不思，咁呢段唔係良好嘅關係！」她自言與男友互相信任，雙方就算不見面也不會經常Check對方。
生BB遙遙無期
提到早前與張繼聰合演舞台劇而激瘦，問到男友可有感到心痛？Ella扁扁嘴說：「都冇得見！惟有用電話維繫，同埋會趁呢段期間搏殺，因為女仔做呢行嘅壽命比男仔短啲，如果有機會我都唔想懶散，會好好把握。」問到可有考慮何時嫁人「上岸」？她說：「冇諗過上岸喎！通常40歲前都係女人嘅黃金時期，我仲有七、八年時間！」
向來恨生仔的Ella坦言，現階段不是結婚生仔的時候，她說：「結婚對我嚟講仲係好遙遠，雖然好想生BB，但未係住！（男友係結婚對象？）我每次拍拖都唔係玩玩吓，但世事唔可以太肯定。」
官恩娜仍處事業搏殺期，暫時不會結婚及生BB。
官恩娜對男友信心十足，更認定為結婚對象！(資料圖片)
官恩娜笑言少見男友，就算激瘦，男友亦不知情！
官恩娜暗示40歲前會披嫁衣。(資料圖片)