阿杜肯與阿姐講和圓天林叔心願
導演王天林逝世，圈中不少曾與他合作的藝人均感到難過，杜琪峯昨晚出席《電影光輝六十年》活動，被問到王天林的心願是他與阿姐汪明荃能和好如初，阿杜說：「其實窒都係溝通方式之一，有頂撞唔等於唔係朋友，有摩擦但都係想為件事好。（擺和頭酒？）如果你（記者）想咪擺囉！（開戲悼念天林叔？）唔會喇！咁會做多咗，大家都會記得佢。（扶靈或舉行追思會？）未知，等長子王晶做統籌，相信喪禮喺十二月初舉行。」而鮑起靜則表示印象中天林叔很喜歡笑，對他的離去感到突然，希望大家珍惜眼前的前輩！
另一邊廂的阿姐出席《萬千星輝賀台慶》拜神活動，記者還未開口，她已煞有介事地說：「我喺微博講晒啦！」同場的曾志偉讚天林叔是一位難得的老師，做事創新。問到演藝人協會會否協辦身後事？他說：「佢唔使，反而會全力協助羅君左。」
杜琪峯坦言不會特別開戲悼念天林叔。