William大膽博咀

與蔡卓妍（阿Sa）打得火熱的陳偉霆（William）即將生日，阿Sa早前事先張揚會為男友炮製驚喜，前晚兩人終於共度首個甜蜜生日，William更開心得即時在微博「咀嘴」女友！

昨日凌晨零時，William在微博上載對着生日蛋糕許願的照片，並留言：「實在太驚喜啦！謝謝你們！muah*（親吻的聲音）」他透露前晚阿Sa為他炮製生日驚喜：「呢幾日都病，又錄音錄到11點幾，女友打嚟問我食唔食飯，本來咁夜唔係好想去，但係女友叫我上去坐吓。」William表示抵達駿景酒店時，竟然發現只得阿Sa一個，更指其他人因為太夜已離開，令他感到很失落：「點知原來佢安排晒成班好Close嘅朋友喺隔籬房，突然衝出嚟同我慶祝，真係好開心！」

昨日William穿上Boris bidjan saberi宣傳XBOX360的跳舞遊戲，身為新進舞王的他亦笑說有難度：「因為個遊戲有分數計，如果輸咗會好失威。」問到會否與阿Sa在家中鬥舞？William說：「佢實輸畀我，其他都可以讓，跳舞呢家嘢我唔會讓！我都有同佢打過機。（邊個贏？）秘密！其實係我輸，打輸乒乓波。（好樣衰？）我惟有話係我讓佢啫！」

阿嬌忍淚錄新歌

此外，阿Sa的拍檔鍾欣桐（阿嬌）昨日現身電台宣傳新碟《Move On…》，她表示灌錄《放低過去》時相當感觸，但仍強忍淚水，更自爆最初很抗拒這首歌：「因為公司同我講首歌好Rock，我覺得唔適合自己，但聽完Demo又好鍾意呢首歌，覺得又唔係太Rock！」