撐崔建邦非叛徒 志偉：唔使日日陪
曾志偉、汪明荃與陳百祥等昨日為今日舉行的台慶騷拜神，對於無綫總經理陳志雲復職，志偉坦言無綫很需要對方：「TVB好需要佢！成班同事同佢感情都好好，我成日覺得佢一定冇事！佢好明白製作又熱心，佢個位懸空時都有懷念佢，因為佢幫我哋爭取好多！」對於有指崔建邦等與陳志雲劃清界線的藝人將會被翻舊帳，志偉笑說：「實唔會啦！阿邦一向都支持陳生，唔需要做到出面，唔使日日陪嘛！」
至於汪阿姐則表示老公羅家英正在內地工作，每天用視像通話。問到會否讓家英哥在內地按摩？阿姐笑言冇問題，只不要按到面部患處便可。
與陳百祥出席台慶拜神的志偉（左），力撐崔建邦非「離雲派」。
汪明荃表示未見到志雲，指對方回歸屬好事。