廖碧兒三喊無辜向陳總補飛

被指是「離雲派」頭號人物的廖碧兒昨日大平反，還一臉委屈地三度高呼無辜，強調與陳志雲關係良好！至於屬「挺雲派」的古巨基前晚已與陳總私下飯局相聚。

無綫總經理陳志雲宣布復職後，令不少曾發表劃清界線宣言的「離雲派」藝員心慌慌，其中廖碧兒（Bernice）更被指是「離雲派」頭號人物！對於連日來的報道，Bernice委屈呼冤，昨日會見傳媒大平反，明顯有備而來，她說：「連續咁多日咁樣寫，好無辜！唔明點解話我埋樂易玲堆，我兩邊（指樂小姐及陳總）都合作得好好，以前我都有為陳志雲做《冰天動地》，一直相安無事。」有指狠心與對方劃清界線，Bernice再次表示無辜：「唔明點解要咁講！我哋合作開心，電話我係冇打，但我有SMS佢！唔明點解幾次都係我，好無辜。（佢有冇覆你？）私人嘢唔方便講，畀多啲空間佢，真係好無辜。（佢復職有冇打畀佢？）冇搵啊！我當晚先知，嗰日好忙。」問到會否擔心被翻舊帳？Bernice聞言即說：「唔知咩叫翻舊帳？人哋點做嘢（指翻舊帳）冇得控制，同陳生一直關係好好。」

古巨基飯局賀復職

至於會否被指忘恩負義？Bernice說：「朋友都好支持我。（怕人話你死撐？）冇死撐！係畀人話得緊要先出聲，我冇唔開心同瞓唔着。我中文唔好，父母讀畀我聽，爹哋問我發生乜事，點解畀人寫到咁。」

至於「挺雲派」的古巨基，原本於陳總復職當晚飯敍，但最後因事缺席，改為前晚晚膳慶祝。當日基仔先出席位於尖沙咀的時裝店新開幕，有粉絲當晚九時看見志雲到基仔的時裝店，其後齊齊到尖沙咀一間Fusion餐廳吃飯。據知，該餐廳是陳總的御用飯堂，兩人離去時見到記者仍大方任影，基仔說：「大家好耐冇見，食餐飯啫！」

另外，今年四台聯頒召集人香港電台認為，四大唱片公司與無綫的版稅糾紛尚未解決，率先動議取消四台聯頒獎項，雖被新城及英皇等炮轟，但停頒勢在必行！每年四大頒獎禮均「守尾門」的港台早前高調宣布今年《十大中文金曲頒獎典禮》將提前在12月24日平安夜的下午舉行，正當唱片公司無奈為頒獎禮推Job之際，昨日有消息指港台有意將頒獎禮延至1月7日舉行，再度打亂歌手的陣腳！據知，此舉引起不少唱片公司不滿。