基仔高調撐「大公司」
昨午《十大中文金曲》舉行記者會，不過古巨基（基仔）並沒現身，中午出席其創立的服裝品牌abc的尖沙咀分店開幕禮，而好友周慧敏（Vivian）、林海峰及鄭伊健齊齊穿上abc潮服撐場，英皇老闆楊受成亦抽空到賀，令基仔笑逐顏開！
基仔表示大半年內開第3間分店，還想擴展至內地，問到是否賺大錢？他笑說：「OK順利啦！最開心老闆親自嚟賀我！（叫老闆入股？）雖然叫大公司（a big company），只不過係小本投資。（緋聞助手Lorraine有冇股份？）冇股份有分紅，好多工作有份搞，知佢辛苦！」昨日Lorranie亦在店內打點，但甫見記者即匿埋！
Vivian幫手設計
至於Vivian昨日一身打扮均由基仔安排，問到是否靚衫任攞？她說：「唔會攞，我會幫襯基仔，明年底仲幫佢設計女裝添！（有酬勞？）唔計較，自己主動拒絕！（入股？）我對數字冷感，冇投資概念！」
周慧敏一身abc服飾撐場，基仔感動到講不出聲。
楊受成畀面到賀，Lorraine甫見鏡頭即閃，靈敏度極高。
楊受成(圖左)
林海峰（左起）、基仔及鄭伊健主持開幕儀式。
湯怡（左起）、基仔、詩雅及陳家樂合照留念。