阿Sa缺席陳偉霆遭擺上枱
陳偉霆（William）昨日獨自赴會，慘被主持玩：「有啲師弟鍾意愛上師姐。」還笑他代表女友蔡卓妍（阿Sa）出席，William即笑打主持：「我自己有派台歌，代表自己！（阿Sa唔嚟？）問公司！祖兒基仔都嚟唔到。（頒獎禮會同場？）我一定唔介意！」對於前女友Angelababy高調為黃曉明慶祝生日，他避忌地說：「冇睇報道，其他人有自由，我唔干涉！」
另一邊廂，鍾欣桐（阿嬌）昨晚與梁漢文、吳雨霏等出席《勁歌金曲》，阿嬌透露新碟今日面巿：「全碟以勵志為題，鼓勵大家忘記唔開心嘅事，過咗去就算，代表我嘅心聲，所以我會買隻碟送畀自己。」她稍後會返內地拍劇，生日要在當地過：「劇組仲未度到期畀我出席樂壇頒獎禮。」
阿嬌表示新碟內容勵志，鼓勵大家勇往直前。
洪卓立（左起）、鍾舒漫、鄭家維、陳偉霆及洪杰等出席頒獎禮活動。