傅穎小方冤家路窄面左左

方力申與鄧麗欣（Stephy）日前公開戀情，昨晚他與過氣緋聞女友傅穎（Theresa）同場出席活動，當被邀合照時，小方明顯較大方，但Theresa卻一臉尷尬，聲言不會致電恭喜二人。

昨晚Theresa與方力申、陳偉霆、陳志雲、鍾舒漫、詩雅、陳寶珠及趙雅芝等出席活動，對於Stephy公開與小方拍拖，Theresa表示戥二人開心，至於會否致電對方恭喜？她淡然說：「唔會！（早知佢哋拍拖？）人哋嘅感情事唔方便講！（同小方傳過緋聞？）煲水嘢！」此時小方剛到場，記者要求二人合照，小方表現大方，惟Theresa尷尬微笑，合照後更極速彈開，她更表示由始至終都沒有恭喜小方。

此外，記者恭喜小方公開戀情，但他扮聽不到兼扯開話題，表示稍後要返內地拍戲，問到會否長時間見不到女友？小方說：「私事唔講，你哋都唔關心我工作，我第一次拍古裝，男人最怕甩頭髮嘛！（搵老婆本？）未有咁快！（公開戀情輕鬆咗？）一向都唔鍾意將私人事公開。」

余思敏避談男友被分身家

至於有線主播余思敏被問到與男友的感情發展，即甜笑說：「OK啦！唔好講呢啲，多謝大家關心！」問到會否擔心男友要與前妻平分身家？她說：「佢個人嘅問題問番佢，我冇意見！又未有機會結婚，唔識答！」