Eason周秀娜Chok樣至搶
今期最爆新聞莫過於「長短腳之戀」，戀人李亞男和王祖藍公布喜訊時齊齊擺出「Chok樣」，與北上「潮拜」王菲的陳奕迅（Eason）同登本周「Chok樣」三甲！
No.1 陳奕迅
喺微博世界自封「吹神」嘅陳奕迅（Eason）唔止吹水了得，表情仲好鬼浮誇，講到Chok樣佢仲好耍家，Eason早前孖住經理人陳家瑛去北京睇王菲演唱會，喺後台合照時，佢又玩嘢整個Chok樣搶鏡！
G.E.M.嘟嘴Chok
你睇鄧紫棋（G.E.M.）呢一張戴上心心眼罩嘅相，唔知係咪送畀緋聞男友林宥嘉？又嘟嘴又咪嘴鬼咁Sweet，不過G.E.M.喺微博就話係喺內地表演時，見到Fans先咁整o架咋！叫大家千祈唔好誤會喎！
諸葛病住Chok
名模諸葛梓岐（Marie）早前唔舒服喺屋企養病，勁鍾意影相嘅佢都要「病住Chok」，仲喺微博晒病樣，睇佢托頭嘟嘴一副Chok樣，又真係幾可憐嘅。
超蓮 素顏Chok
何家千金超蓮超愛玩微博，仲成日晒素顏照添！食住雪糕都要晒甜笑Chok樣，Cute得嚟又好鬼索！
迷魂Chok睇過性感女神周秀娜（Chrissie）寫真集嘅都知道，娜姐Chok樣Chok甫士嘅功力可以話神乎其技，今次喺電子遊戲活動上，一招迷人嘟嘴，仲Chok出事業線，仲唔冧到班宅男暈得一陣陣！
O嘴Chok陳靜早前去澳門出席賭場活動時勁晒性感身材，仲有外籍男士向佢獻殷勤，輕扶佢條纖腰，搞到佢十分尷尬，嚇到O晒嘴，Chok個無辜樣出嚟。
No.2藍男戀恭喜恭喜！「藍男戀」終於公開戀情，得到唔少圈中好友祝福，雖然5呎4嘅祖藍要「高攀」5呎9嘅李亞男係辛苦啲，但兩人喺電視城宣布拍拖喜訊時齊齊擺出Chok樣，一個掩面一個拱手，愈睇愈登對！
No.3 宣萱依家好多模一行出嚟就Chok晒樣，估唔到前輩宣萱都有呢鋪癮，前排佢同黃日華為新劇《刑警》宣傳時，手舞足蹈嘅佢十足《難兄難弟》入面嘅「四哥」上身，身邊嘅黃日華心諗：「你估自己做緊Drama咩！」
心姐 好戲Chok謝雪心喺劇集《巾幗梟雄之義海豪情》中畀人話下下Chok樣，無論把聲同表情都「交足戲」，原來戲外心姐一樣鍾意Chok，睇佢為台慶排舞擺甫士影相時，竟然Chok樣Chok甫士，左腳輕微吊起丁字步，唔到你唔服。
雯女 霸氣Chok大熱視后之一嘅鄧萃雯近日頻頻為《巾》劇商場活動造勢，換上戲服嘅雯女仲係九姑娘上身，翹起對手加埋個「Chok嘴」，霸氣十足！