「藍男」滿足拖手無意同居

自「藍男戀」公開後，一對戀人苦無時間拍拖，李亞男為黐實男友，昨日不惜等王祖藍收工，希望公開拖手仔食餐飯。

王祖藍和李亞男昨日於電視台綵排不同的台慶環節，李亞男透露自公開戀情後，仍未能和男友行街拍拖，既渴望又興奮，她說：「好開心，終於可以等佢收工，佢都有話可以正式車我返公司，不過依家都仲未夾到時間。（同居咪多啲時間見？）唔得，我哋唔會同居。」她透露自行設計的台慶戰衣，會先給祖藍過目，她甜絲絲地說：「佢話要做我Image Designer（形象設計）。」

另外，扮TVBuddy出現的王祖藍，偕汪明荃、阮兆祥及李思捷出席《荃加福祿壽玩轉台慶之愚樂新吟之頒獎禮前傳》記者會，問到女友等放工，祖藍說：「我都想，公開咗但仲未可以送佢返工。」同場的阿姐被問到有關羅家英的病情，阿姐坦言情況不太嚴重，家英哥因簽了合約，目前已離港工作。

曾醒明拒反擊鵬哥謾罵

對於盧海鵬公開「唱衰」無綫，無綫外事部副總監曾醒明說：「大家都係電視台，應該互相尊敬、包容同勉勵，咁樣電視業先會進步，喺公開場合作出咁樣謾罵式唱歌，公道自在人心。」問到無綫會否追究，他說：「有建設性嘅批評樂於檢討，但對於冇理由嘅謾罵，我哋唔會話有任何反擊。（封殺盧海鵬？）我哋冇話封殺任何一個藝人，唔會因為咁而嬲咗鵬哥。」