亞姐越南佳麗抽筋送院宣布退選
關楚耀、羅力威及亢帥克昨日與16位亞姐候選佳麗在沙田出席記者會，關楚耀笑言有佳麗比他高三個頭，即被笑指其頭部對正佳麗胸部，他說：「就住影相囉！」他坦言與海外佳麗較好傾，問是否喜歡「鬼妹仔」時，他說：「佢哋主動啲啫！」
身高6呎1吋、來自韃靼斯坦的(8)維他．芝寶絲娃讚關楚耀靚仔，問到會否覺得他太矮？她說：「個心靚已足夠，唔需要高。」她自爆多人追，擇偶不需要太高，靚仔便可。而(9)泰國佳麗邱淑芬面上勁多粒粒，醫生指可能是藥物敏感，她考慮做去疤療程。
由於(11)及(16)佳麗昨日因病缺席，(20)則未抵港，而(12)越南佳麗麥莎莉因病退選，故昨日只有十六位佳麗現身，亞視高層葉家寶說：「佢（(12)麥莎莉）對某啲食物敏感，食完嘢全身抽筋，嚴重到要十字車送院，同佢家人傾過後決定退出。」他表示不會找佳麗替補，又指今年亞姐會玩5D全立體比賽，當中包括「裸肌」環節。
(8)維他與關楚耀合照，高出對方半個頭。
(9)邱淑芬勁爆粒粒，相當礙眼。
亞視人氣王羅力威，有份擔任亞姐嘉賓。