超雲送大禮柏豪闖過賭王關

賭王千金何超雲自與王大業分手後，即與周柏豪傳緋聞。昨日生日的柏豪，前晚與超雲湊巧同場出席活動，超雲公開表示賭王父親沒限制她識男仔，相信一句「沒限制」已成為柏豪最好的生日禮物！

緋聞男女周柏豪與何超雲前晚出席MINI Cooper的MINI Countryman新車揭幕儀式及派對，幾經擾攘下才大方合照及受訪，柏豪說：「本來都唔尷尬，但你哋搞到唔知點咁！」問二人平日有否聯絡？柏豪說：「正常朋友聯絡，喺正常朋友方式底下正常溝通！」問到會否視對方為理想伴侶？超雲即說：「係朋友，非常理想嘅朋友！」超雲亦豪不避忌表示會互相關心。

大爆父親重73Kg

問到柏豪是如何進一步奪其芳心，超雲說：「如果佢有，我都唔話你知，唔好玩啦！」問到是否要先過其賭王父親何鴻燊一關？她肯定地說：「爸爸好尊重我！唔會限制我同邊個拍拖！」此言一出，相信已令柏豪放心不少。

超雲表示今次回港主要是與父親出席活動領獎，她透露父親健康良好，相信屆時不用別人攙扶亦可自行領獎，又表示賭王重了不少：「佢肥到73Kg，醫生希望佢減4磅！佢皮膚就好靚，粉紅色，可以做護膚品代言人！」活動後，超雲與一男一女友人乘座駕到信德中心出發往澳門，超雲似乎見完柏豪後心情特別靚，由上車到落車，全程笑笑口難掩喜悅。

生日開工遭兜巴星

至昨日，壽星仔柏豪仍如常開工拍攝電台劇集《有房出租》，獲劇組演員、唱片公司及經理人親到錄影廠為他慶祝，令他開心不已，他在電話中笑說：「真係好開心，經理人送咗支15,000攝影鏡頭畀我，我覺得好幸福。」他又笑言被同劇的姜大偉兜巴星：「佢將蛋糕拍落我塊面，我估都估唔到係佢，仲以為會係官恩娜或者唐寧。」昨晚他與家人慶祝，願望是年底頒獎禮有好成績：「得獎唔代表成功，但證明努力有回報，係對自己一個肯定。」