昔日姊妹有Say Rainbow勸改過Lavina跌眼鏡
得悉周凱盈（Monique）再犯事後，Monique好友兼舊同學胡心諾（Rainbow）直言近來已很少與Monique聯絡，不過衷心希望她改過：「我都係今日先知佢上庭，我冇打畀佢，驚影響佢心情，佢上次犯事後我相信佢真心改過，可能有某啲原因令佢犯番同樣嘅錯誤，我覺得人哋嘅支持好緊要，我會支持佢，但係佢自己都要爭氣！」而Monique舊公司o靚模Lavina（鍾蕙芝）聽到消息後則表示難以置信：「我唔係好相信佢會做啲咁嘅嘢，幾個月前喺銅鑼灣行街時撞到佢，有打招呼，佢嗰時好精神，都幾開心，希望佢可以做番個乖乖嘅女孩子、好好孝順佢嘅父母！」
另外，Monique的前經理人Admond對事件大感失望：「上次佢犯事後，我真係相信佢會改，點知事實佢始終冇改到，真係好失望！不過佢仲細，有機會改過，我唔會完全放棄佢，話晒一場主僕關係。」他表示仍會考慮為Monique接工作，不過她必須先完成所有感化令。
Rainbow雖然已很少與Monique聯絡，但揚言會支持她。(資料圖片)
Lavina驚聞Monique再吸毒，難以置信。(資料圖片)