王喜一次過切除腹背逾十粒瘤
王喜腹背長了十多粒瘤，日前他的起心肝到播道醫院接受手術，一次過切除。已出院在家休養的他接受電話訪問時說：「因為遺傳關係，腹背間有十幾個瘤，但見一直冇異樣所以冇理，直到喺西藏發生意外，之後又忙拍劇，啲瘤開始產生變化，最大嘅變到好似雞蛋咁大。」
手術後，王喜腹背間留下十多條長達一吋的傷疤，他說：「醫生驚我太多傷口，所以開咗止痛藥畀我食，依家都唔係好痛。不過，因為手術要全身麻醉，依家仲有啲迷糊！（瘤係良性？）未知，依家化驗緊。」問到是否已切除所有瘤？他說：「仲有啲好細嘅，因為未有變化，所以未切除！」
王喜日前接受手術切除腹背的瘤，現在家休養。(資料圖片)