君如色誘古仔：佢主動咀埋嚟

吳君如明年有兩部賀歲片上映，其中一部與古天樂合演情侶，有不少親熱戲，她更成功融化對方，Feel到古仔愛上她！

吳君如與導演谷德昭昨日代表電影《神奇俠侶》出席《香港繽紛冬日節》記者會，即場播放由電影角色改編的動畫推廣短片，君如高呼得意，並對於有份介紹香港而感到榮幸。君如明年有兩部賀歲片上映，除了《神》片外，還有邵氏及TVB炮製的《我愛香港》，但她先旨聲明宣傳上會偏心老公陳可辛監製的《神》片，希望TVB不要封殺她及《神》片：「佢套戲咁多人，可以分擔吓嘛！」

希望加片酬

提到今年沒有再為黃百鳴拍戲，君如笑說：「我係百鳴哥嘅臥底！開頭唔接佢部戲，就係唔想自己打自己！不過曾志偉太有誠意，仲同我講古天樂都有兩部啦！於是就接咗《我》片。」她透露在《我》片中飾演林欣彤母親，二人尚未有對手戲，但讚對方淡定，對於片中的「兒女」愈來愈大，她笑說：「惟有加片酬！」

而她與古天樂在《神》片中不乏親熱戲，君如表示盡全力「將冰山劈開」，不用埋位時也會穿睡衣誘惑對方：「佢好慢熱，我要出晒力咁溝佢！不過到最後佢好入戲，主動咀埋嚟！劇本冇o架！筍呀！我Feel到佢真係愛上我！」谷德昭則大爆君如與陳可辛在片場十分生外，更會握手問好。有次古仔與君如拍床上戲時，陳可辛竟若無其事在旁監督，令古仔十分尷尬！