徐靜雯提前升Cup防胸下垂

鄭嘉穎緋聞女友徐靜雯（Jenny）「胸」湧出席活動，「峰」頭蓋過同場的Mandy Lieu與傅嘉莉，她坦言再度豐胸至33D，難怪毫不吝嗇大騷深長事業線！

徐靜雯、Mandy Lieu與傅嘉莉昨日擔任《熒．光學美纖》嘉賓，韓君婷則擔任司儀。徐靜雯穿上Tube Dress，深長事業線表露無遺，成為焦點，她坦言最近接受豐胸療程，33C上圍升Cup至33D，更按着胸部示範是做按摩及通淋巴，目的是防止胸部下垂，她說：「25歲後就可能會開始下垂，要堅挺，我依家23歲做起，到時就唔使驚！」

問到可有與緋聞男友鄭嘉穎約會？她說：「真係普通朋友。（你唔愛佢？）我一直都冇愛佢，感覺話我知，其實身邊有異性朋友都會考慮，但相處一段日子都係做朋友好啲！（係咪佢多緋聞？）我唔想有太多緋聞，何況我都冇乜緋聞，我唔鍾意出街玩同唔鍾意飲酒，我做人好簡單。」問到嘉穎是否不夠大方？她說：「我唔知！你哋講！（有冇相約食飯？）唔敢！」

Mandy擇偶講Feel

同場的Mandy Lieu表示熱愛運動，問到理想對象是否運動型？她說：「其實我揀男友冇乜要求，要有Feel，總之隨緣。」她還透露要到哈爾濱拍攝旅遊特輯，未知能否返港過聖誕！