祖兒個唱出旅行套裝陪Fans環遊世界
將假紅館舉行演唱會的容祖兒，最近除了忙於綵排，亦為場外發售的紀念品傷腦筋。透過形象師SK Lam協助，祖兒成功邀請瑞典設計師5preview合作，為演唱會設計限量版T恤和旅行套裝。昨日祖兒透過助手在微博宣布產品試版成功，可以投入生產。她分別穿上黑、白色T恤做模特兒，獲網友留言大讚。
祖兒昨日接受電話訪問時說：「我6月16日生日，所以每款T恤只係生產616件，5preview嘅衫一向都唔平，不過我希望歌迷都可以負擔得起，所以用成本價發售，好多朋友都搵我訂購，佢哋嘅反應令我好開心。」她又解釋因經常搭飛機出埠工作，故與設計師想到推出旅行套裝，包括眼罩、行李牌、貼紙和記事簿，她說：「全部都係我出埠嘅必備品，當中我最鍾意係貼紙，可以貼喺行李箱，陪住Fans周圍飛！」
祖兒穿上白色限量版T恤，介紹旅行套裝紀念品。
祖兒的演唱會紀念T恤限量推出616件。