恨生仔恨出口Rosanne明年初夏做媽咪
前女子組合2R的成員Rosanne，昨日以代言人身份出席現代美容中心簽約儀式，懷有3個月身孕的她，看來依然輕盈，不過指佗B十分辛苦：「我一起身就嘔，成日都對住個廁所，妹妹好體貼，成日都陪住我！」她揚言想生仔，但並非因為要傳宗接代：「因為媽咪巳經有3個女，佢想我生仔，將啲希望放喺我度！」
Race貼身傍住
談到新婚生活，Rosanne大讚老公體貼，每日為她做腳底按摩。記者見她昨日竟着3吋高踭鞋，她表示近3個月在家休息，完全沒有着過高踭鞋！問到預產期？她竟懵盛盛表示是明年2月，妹妹Race即時更正說是明年5、6月，Rosanne解釋：「我淨係睇過一次醫生，成日都會計住，不過每次都計錯！我暫時未知喺邊度生，截至目前都係重咗1公斤！」
Rosanne捧着大肚依然着高踭鞋，一副幸福孕婦樣。
2R闊別香港多時，昨日出席活動掘金。
Race見Rosanne嘔得辛苦，令她無意生小朋友。