羅孝勇確認林欣彤升級做家人

「巨聲幫」林欣彤及羅孝勇的緋聞傳得鬧哄哄，早前本報拍得林欣彤飛的直闖男方寓所，昨日男主角現身解畫，更直認她似足家人！

上周五晚，本報拍得林欣彤（Mag）於尖沙咀工作完畢後，隨即跳上的士直闖羅孝勇（Sheldon）位於中環堅道的寓所，逗留數小時後才乘的士離開，足見二人關係非比尋常！昨日Sheldon與王力宏（Leehom）、諸葛梓岐、Square及台灣模特兒宋紀妍出席Timberland活動，行完Catwalk的Sheldon即被記者追問緋聞，他曾一度欲轉移視線，聲稱所有「巨聲幫」成員均經常上他的家玩音樂及打機。

解畫期間，Sheldon反問記者有關Mag的「上門」時間，當得悉是上周五晚後即說：「佢漏咗嘢喺我屋企，上去攞番，不過當日我唔喺香港！」問到人不在、但Mag仍照上門？他嚇得口窒窒說：「佢有打電話畀我，知道我屋企有人，我都有打畀媽咪！」然而他卻講不出Mag遺漏甚麼重要物件，認真耐人尋味！記者追問是否拍拖？Sheldon說：「係朋友，成班人好似Family！」然後他又突然自爆：「我媽咪同大家一樣，有問我係咪拍拖，我答佢嘅答案同答記者一樣，係Good Friend！（媽咪懷疑你哋拍拖？）我諗佢問吓啫！」他強調現時沒有拍拖，問到拍拖會否承認？他說：「到時先算！」

Leehom否認針對暴發戶

另外，已有兩年沒有在港露面的Leehom，昨日以壓軸嘉賓身份行Catwalk，足見地位！對於早前指摘巨星駕駛跑車是暴發戶，他急急澄清：「我只是接受訪問時講出自己的價值觀，沒有針對任何人！（有駕駛跑車？）沒有，衣服也是借來着，我不喜歡一些不需要的東西，這樣太浪費！」他更教粉絲要環保，值得嘉許！另外，Square昨日亦有份行Catwalk，成員Gary表示最近拍戲學潛水。